पुणे : 'लायन्स क्लब्ज ऑफ इंटरनॅशनल'तर्फे आयोजित आंतरमहाविद्यालयीन ‘इलिट करंडक’ स्पर्धेसाठी अर्ज करण्याची मुदत १३ ऑगस्टपर्यंत वाढवण्यात आली आहे. अर्जासोबत कॉलेजच्या आयकार्डची कॉपी असणे आवश्यक आहे, अशी माहिती संयोजिका जयश्री पेंडसे यांनी मंगळवारी पत्रकार परिषदेत दिली. यावेळी लायन्स क्लबचे पदाधिकारी नागेश चव्हाण, अनुराधा शास्त्री, सुधाकर कुमठेकर आदी उपस्थित होते.
हिंदी व मराठी सिनेसंगीताची ही स्पर्धा बुधवारी, १६ ऑगस्ट रोजी कमिन्स सभागृह, पत्रकार भवन येथे होणार आहे. स्पर्धेचे हे विसावे वर्ष आहे. प्रथम येणाऱ्या विद्यार्थी व विद्यार्थिनीसाठी प्रत्येकी फिरता करंडक, रोख ५ हजार रुपये व स्मृतीचिन्ह असे पारितोषिक आहे. दुसरे पारितोषिक रुपये ३ हजार व स्मृतीचिन्ह, तिसरे पारितोषिक रोख रुपये २ हजार व स्मृतीचिन्ह असे आहे. अंध विद्यार्थ्यांसाठी रोख १ हजार रुपये व स्मृतीचिन्ह असे विशेष बक्षीस देण्यात येणार आहे. सात उत्तेजनार्थ पारितोषिकेही देण्यात येणार आहेत. पारितोषिक वितरण स्पर्धेच्याच दिवशी सायंकाळी साडे चार वाजता होणार आहे. 'लायन्स क्लब्ज इंटरनॅशनल'चे प्रांतपाल गिरीश मालपाणी आणि सुनिता मालपाणी या वेळी प्रमुख पाहुणे म्हणून उपस्थित राहणार आहेत, असेही पेंडसे यांनी सांगितले.
स्पर्धेविषयी : दिवस : बुधवार, १६ ऑगस्ट २०१७
स्थळ : कमिन्स सभागृह, पत्रकार भवन, पुणे
अर्ज मिळण्याचे व स्वीकारण्याचे ठिकाण : सँडीज ट्रॅव्हल्स, पाच, अमित काँप्लेक्स, दुसरा मजला, ४७४ सदशिव पेठ, टिळक रोड, पुणे- ३०
अधिक माहितीसाठी संपर्क : जयश्री पेंडसे : ९४२२५ ०७७२१
वसंत कोकणे : ९८२२० ८८२०१
ज्योती पेंडसे : (०२०) २४४७१४६४/५५६९.